काठमाडौं- भारतीय योगगुरु रामदेवसहित ५ जनाले स्वीकृति नलिई कोरोना निको पार्ने दावी गरिएको औषधि सार्वजनिक गरिएको भन्दै प्रहरीमा उजुरी परेको छ ।

प्रहरीका डेप्युटी कमिशनर अशोक गुप्ताका अनुसार रामदेवसहित ५ जनामाथि अधिवक्ता बलराम झक्कडले राजस्थानस्थित ज्योति नगर प्रहरी चौकीमा उजुरी दर्ता गरेका हुन्।

प्रहीका अनुसार अधिवक्ता झक्कडले राजस्थानस्थित ज्योति नगर प्रहरी चौकीमा रामदेवसहित ५ जनामाथि उजुरी दर्ता गरेका हुन् । स्वास्थ्य विभागको परीक्षण र स्वीकृति बिना नै कोरोनाविरुद्धको औषधी निर्माण गरी वितरण गरको भन्दै झक्कडले उजुरी गरेको भारतीय सञ्चारमाधयमले जनाएका छन् ।

पतञ्जली आयुर्वेदले कोरोना निको पार्ने भन्दै मंगलबार ‘कोरोनिल’ औषधि सार्वजनिक गरेको थियो । यो मात्रै नभई विभिन्न प्रहरी चौकीहरुमा रामदेवविरुद्ध उजुरी दर्ता भएको भारतीय सञ्चार माध्यमहरूले जनाएका छन्।

आयुष मन्त्रालयको स्वीकृति नलिई कोभिड-१९ निको पार्ने भन्दै आयुर्वेदिक औषधी सार्वजनिक गरेकोले रामदेवविरुद्ध एफआइआर दर्ता भएको हो।

रामदेव मात्रै नभई पतञ्जली आयुर्वेदका अन्य चार एमडीहरू, जयपुरको नेशनल इन्स्टिच्युट अफ मेडिकल साइन्स एण्ड रिसर्चका निर्देशक आचार्य बालकृष्ण, बिएस तोमर, अनुराग तोमर र सिनियर बैज्ञानिक अनुराग अनुराग वाष्णेयको नाम पनि एफआइआरमा उल्लेख छ ।

हरिद्धारमा रहेको पतञ्जली आयुर्वेदले कोभिड-१९ निको पार्ने भन्दै मंगलबार ‘कोरोनिल’ औषधि सार्वजनिक गरेको थियो। यो औषधि कोभिड-१९ पोजेटिभ देखिएका विरामीहरूमा सात दिने प्रयोग गरेको र यसले निको पारेको दावी समेत गरिएको थियो।

निम्स विश्वविद्यालयको संलग्नतामा जयपुरको निजी इन्स्टिच्युटमा औषधिको प्रयोग गरिएको बताइएको थियो।