काठमाडौं । काठमाडौंमा कोरोना भाइरसको संक्रमणबाट थप एकजनाको मृत्यु भएको छ ।

दम, होइपोथाइरोडिजम र उच्च रत्तचापका विरामी धनुषाको मिथिला नगरपालिका–१० लालगढकी ७२ वर्षीया महिलाको ओम अस्पताल चाबहिलमा उपचारका क्रममा मृत्यु भएको स्वास्थ्य तथा जनसंख्या मन्त्रालयले जनाएको छ ।

उनलाई श्वासप्रश्वासमा समस्या हुनुका साथै पेट दुखेपछि धनुषाबाट काठमाडौं ल्याइएर गएको १७ गते आईसीयूमा भर्ना गरिएको थियो । उनको उपचारका क्रममा बुधबार मृत्यु भएको अस्पताल स्रोतले जनाएको छ ।