काठमाडौं। हाल बजारमा बिक्री–वितरण हुँदै आएका केही स्यानिटाइजर गुणस्तरहीन भएको पुस्टि भएको छ । नेपाल सरकारले गुणस्तरहीन स्यानिटाइजर प्रयोग नगर्न सार्वजनिक सुचना नै जारी गरेको छ ।
भारतमा निर्मित पामाकियर, चीनमा निर्मित ओपेकल र नेपालमा निर्मित सासा, युनिकियर, इन्सट्यान्ट, एड्भान्स ह्यान्ड एन्ड सँर्यमुखी नामका स्यानिटाइजर गुणस्तरहीन भएको सरकारले बताएको छ ।
औषधी व्यवस्था विभागका अनुसार चार कम्पनीबाट निर्मित स्यानिटाइजर गुणस्तरहीन मात्र नभई प्रयोगकर्ताको स्वास्थ्यका लागि हानिकारक पनि छन् । त्यसमा प्रयोग भएको विषयुक्त रसायन मानव स्वास्थ्यलाई घात गर्ने खालको छ । सरकारले बन्द गर्न निर्देशन दिएका अधिकांस स्यानिटाइजर दराज कम्पनीले आफ्नो वेबसाइटमा बिक्रीका लागि राखेको छ।
सरकारले सम्बन्धित उत्पादक तथा वितरकलाई आफ्ना उत्पादन तत्काल बजारबाट फिर्ता लिन भनेको छ ।
हामारीजस्तो संवेदनशील अवस्थामा पनि जनस्वास्थ्यमा बेवास्ता गर्नेहरुको ब्रान्डहरुलाई खारेज गर्नुपर्नेमा भने सरकारले त्यसो गर्न सकिरहेको छैन ।
केही भारतीय र चिनियाँ कम्पनीका नेपाली एजेन्टहरुले पैसा कमाउने उद्देश्य नै राखेर त्यस्ता गुणस्तरहीन स्यानिटाइजरलाई धमाधम बजारमा भित्राइरहेका छन् ।
विभागले सेफ ह्याण्ड २०० एमएल र १ लिटरको ह्याण्ड रब इन्स्ट्यान्ट ह्या्ण्ड स्यानिटाइजर न्यून गुणस्तर रहेकाले बिक्रि वितरणमा रोक लगाउदै बजारबाट तुरुन्त फिर्ता गर्न सूचना जारी गरेपनि बजारमा भने अझै छ्याप्छ्याप्ती रहेका छन् ।
Leave a Reply