काठमाडौं । चीनले आफ्नो देशमा उत्पादित कोरोना भाइरस ९कोभिड–१९० विरुद्धको खोप लिएका व्यक्तिलाई सहज रुपमा भिसा दिने निर्णय गरेको छ ।
चिनियाँ खोपको पूर्ण डोज लिएको प्रमाणपत्र देखाउने मानिसले मात्र सहज रुपमा भिसा पाउने चिनियाँ दूतावासले जनाएको छ ।
सोमबार चिनियाँ दूतावासले एक विज्ञप्ति जारी गर्दै पूर्ण रुपमा चिनियाँ कोरोना खोप लगाएका मानिसलाई भिसामा सहजीकरण गरिने बताएको हो ।
दूतावासले विज्ञप्तिमा आवश्यक काम तथा उत्पादन खपत (काम, व्यवसाय, भ्रमण आदि) प्रयोजनका लागि जाने, आपतकालीन मानवीय सहायताका लागि जाने र अपेक बिजनेस कार्ड भएका व्यक्तिहरुलाई चिनियाँ खोप लगाएको प्रमाणपत्र देखाएपछि भिसा दिइने बताएको छ ।
यद्यपि उनीहरुले नेगेटिभ पीसीआर र एन्टिबडी परीक्षणको रिपोर्ट देखाउनुपर्नेछ भने चीन प्रवेश गर्ने व्यक्ति अनिवार्य क्वारेन्टिनमा बस्नुपर्ने नियम भने कायमै रहनेछ ।
नेपालसँगै अमेरिका, भारत, पाकिस्तानलगायत मुलुकका चिनियाँ दूतावासले विज्ञप्ति जारी गरेर चिनियाँ खोप लगाएका व्यक्तिलाई भिसामा सहजीकरण गर्ने बताएका छन् ।
Leave a Reply