Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
काठमाडौं। नेपाल प्रहरीको केन्द्रीय अनुसन्धान व्यूरो(सीआईबी)ले मानव बेचबिखन तथा ओसारपसार एवं संगठित अपराध मुद्दामा फरार रहेका एक व्यक्तिलाई पक्राउ गरेको छ।
पक्राउ पर्नेमा काठमाडौं गोकर्णेश्वर नगरपालिका-९ जोरपाटी बस्ने झापा कन्काई नगरपालिका-५ घर भएका ३८ वर्षीय राजन भन्ने जगत बहादुर राई रहेका छन्।
राईलाई बिहीबार साँझ सीआईबीको टोलीले पक्राउ गरेको डीआईजी सहकुल थापाले जानकारी दिए।
गत वर्ष (२०७६ चैत २ गते) उच्च अदालत पाटनको फैसलाले उक्त मुद्दामा १० वर्ष कैद र ५० हजार रुपैयाँ जरिवाना ठहर भई फरार रहेका उनलाई महाराजगन्जबाट खटिएको सीआईबीको टोलीले काठमाडौं महानगरपालिका-९ तिलगंगाबाट पक्राउ गरेको हो ।
जगत बहादुर समेतले खाडी मुलुक ओमानमा घरेलु कामदारको रुपमा रोजगारी दिलाउने प्रलोभन पारी विना श्रम स्वीकृती गैह्रकानुनी तरिकाले २०७३ फागुन १३ मा पीडितबाट ३ लाख ५० हजार रकम लिई भिजिट भिसामा यूएईको दुबई पठाएका थिए।
पीडितको आफन्तले ओमानको सिमावर्ती क्षेत्रमा पीडितलाई बन्धक बनाई शारीरिक, मानसिक र आर्थिक यातना दिई शोषण गरिराखेको भन्ने उजुरी दिएपछि सीआईबी र दुबईस्थित नेपाली राजदुतावास समेतको सहयोग र सहकार्यमा पीडितलाई उद्दार गरिएको थियो ।
राईलाई जिल्ला अदालत काठमाडौंको आदेशले कैद भुक्तानको लागि कारागार कार्यालय डिल्लीबजारमा पठाईएको उक्त सीआईबीले जनाएको छ ।
© 2026 All right reserved to onlinenepal.com
Design & Developed By
