बुटवल – रूपन्देहीमा बुधबार एकैदिन १३ कोरोना संक्रमितको मृत्यु भएको छ । बुधबार ५८७ जनामा कोरोना भाइरस संक्रमण पुष्टि भएको थियो ।
जिल्लामा कुल सक्रिय संक्रमितको संख्या ४ हजार ९५५ पुगेको छ । हालसम्म मृत्यु हुनेको संख्या २३३ पुगेको छ। सबैभन्दा बढी बुटवल उपमहानगरपालिकामा २५५ जनामा कोरोना भाइरस संक्रमणको पुष्टि भएको छ ।
त्यस्तै सिद्धार्थनगर नगरपालिकामा ६७ जना, तिलोत्तमा नगरपालिकामा १३६ जना, सियारीमा ५, देवदहमा ३६, गैडहवामा ३ र मायादेवीमा ३ जनामा संक्रमण देखिएको छ।
त्यस्तै सैनामैनामा ३३ जना, ओमसतियामा ७ जना, कञ्चनमा १२ जना, रोहिणीमा ५ जना, लुम्बिनी साँस्कृतिक नगरपालिकामा २ जना, शुद्धोधन गाउँपालिकामा १३ जना र कोटहिमाई गाउँपालिकामा एक जनामा संक्रमण पुष्टि भएको हो।
Leave a Reply