काठमाडौँ । नेपाल कम्युनिष्ट पार्टी (नेकपा) माओवादी केन्द्रका अध्यक्ष पुष्पकमल दाहाल ‘प्रचण्ड’ले एमाले प्रवेश गरेका दुई नेताहरुलाई भगौडाको संज्ञा दिएका छन् ।

बिहीबार काभ्रेको पाँचखालमा योङ कम्युनिष्ट लिग (वाइसीएल)को नगर सभालाई सम्बोधन गर्दै अध्यक्ष प्रचण्डले पूर्वमाओवादीका नेताहरु रामबहादुर थापा ‘बादल’ र टोपबहादुर रायमाझीले आफ्नो पार्टीलाई धोका दिएको बताए।

‘त्यो टोपबहादुर भन्नेलाई मैले कतिचोटी मन्त्री बनाएँ, अहिले कहाँ हेर्नुस् त । त्यो बादल अब मेरो हिजोको साथी, बढी त भन्दिनँ। सम्झिँदा पनि एलर्जी हुन्छ । ‘ प्रचण्डले भने।

यस्तै, पूर्वप्रधानमन्त्री समेत रहेका ‘प्रचण्ड’ले एमाले अध्यक्ष केपी शर्मा ओलीले माओवादी र माओवादी नेतृत्वलाई सखाप पार्न प्रतिनिधिसभा विघटन गरेको बताए।

अर्को पनि पढ्नैपर्ने

प्रचण्डले भने- केपीजस्तो बुद्धि नभएको नेता अर्को देखेको छैन

अर्को पनि पढ्नैपर्ने

ओलीलाई महान् नेता बन्ने अवसर थियो तर गिदीमा गोबर भरिएपछि के गर्ने ? : प्रचण्ड