Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
सोमवार, जेठ २५ गते २०८३
Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले पार्टीभित्र अवसरवादीहरु हावी हुँदा गुण्डाहरुले पनि हेप्ने दिन आएको दुखेसो पोखेका छन् ।
बिहीबार नेपाल संवत् ११४२ तथा नेपाली चाडपर्वकाे उपलक्ष्यमा नेवा:मुक्ति माेर्चा केन्द्रीय समितिद्वारा आयाेजित शुभकामना आदनप्रदान कार्यक्रममा सम्बोधन गर्दै अध्यक्ष प्रचण्डले पार्टीमा अवसरवादीहरु हावी हुँदा माओवादीलाई काम न काजका गुण्डाहरुले पनि हेप्ने दिन आएको बताएका हुन् ।
कार्यक्रमलाई सम्बोधन गर्दै अध्यक्ष प्रचण्डले भने, ‘शान्ति प्रकृयामा आएपछि पार्टीमा विकृति भित्रियो, हाम्रा कमरेडहरु पनि अरु जस्तै विग्रन थाले, यस्तो अवस्थामा पार्टी कजोर भयो, कम्जोर हुँदा काम न काजका गुण्डाहरुले पनि हेप्ने दिन आयो, अब त्यस्तो हुँदैन ।’
यस्तै, पूर्वप्रधानमन्त्री समेत रहेका प्रचण्डले आगामी निर्वाचनमा माओवादी देशकै ठूलो पार्टी बन्ने र नेतृत्व लिने ठाउँमा पुग्ने दाबी गरे। 'जनतामा उभार आउन थालेको छ, प्रतिक्रियावादी भित्रभित्र आत्तिन थालेका छन्, नयाँ संकल्प र एकतासहित अगाडि बढ्छौं, आगामी चुनावमा देशको नेतृत्व लिने ठाउँमा पुग्छौं’, प्रचण्डले भने।
कार्यक्रममा प्रचण्डले प्रतिक्रियावादी माओवादीलाई कमजोर नपारेसम्म देशले सुख नपाउने भन्दै लागिपरेको बताए । उनले माओवादी बिना जनताले सुख नपाउने भएकाले माओवादी बलियो हुनुपर्ने उनको भनाइ छ।
साथै, उनले देशभर माओवादीका संगठनले गति दिन थालेको दाबी समेत गरे।
© 2026 All right reserved to onlinenepal.com
Design & Developed By
