काठमाडौं । कायम मुकायम प्रधानन्यायाधीश बनेका दीपककुमार कार्कीले बोलाएको न्याय सेवा आयोगको बैठक आज बस्दै छ ।

प्रधानन्यायाधीश चोलेन्द्र शमशेर जबराविरुद्ध महाअभियोग प्रस्ताव दर्ता भएपछि कार्कीले आयोगको बैठक बोलाएका हुन् । गत असोजपछि आजै आयोगको औपचारिक बैठक बस्न लागेको हो ।

बैठकमा लोक सेवा आयोगले लिएको परीक्षाबाट उत्तीर्ण भएका जिल्ला न्यायाधीशहरुको नाम सिफारिस, कर्मचारीहरुको सरुवा, बढुवा लगायतका विषयमा छलफल हुने बताइएको छ ।

न्याय सेवा आयोगमा प्रधानन्यायाधीश सहित कानूनमन्त्री, सर्वोच्च अदालतका बरिष्ठतम न्यायाधीश, महान्यायाधिवक्ता र लोक सेवा आयोगका अध्यक्ष पदेन सदस्य रहने संवैधानिक व्यवस्था रहेको छ ।