काठमाडौं । संसदमा पेस भएको अमेरिकी सहयोग परियोजना (एमसीसी) बारे बिहीबारबाट संसदमा छलफल सुरु हुने भएपछि सुरक्षा व्यवस्था कडा पारिएको छ ।
विभिन्न दल र समूहको सम्भावित आन्दोलनलाई मध्यनजर गर्दै सरकारले संसद भवन नयाँ बानेश्वर वरपरको सुरक्षा व्यवस्था कडा पारेको हो । आन्दोलनका कारण क्षति हुन नदिन संसद भवन नयाँ बानेश्वर काँडेतारले बेरिएको छ ।
एमसिसी संसदमा टेबल भएपछि सत्तारुढ दल नेकपा माओवादी केन्द्र, नेकपा एकीकृत समाजवादी पार्टी, जनमोर्चालगायतका भ्रातृसंगठन आन्दोलनमा उत्रिएका छन् ।
उनीहरुले बिहीबारबाट आन्दोलन अझै चर्काउने घोषणा गरेका छन् । यस्तै नेत्र विक्रम चन्द नेतृत्वको नेकपासहित ६ वटा दलले पनि आन्दोलन गर्दै आएका छन् ।
Leave a Reply