काठमाडौं । सांसद प्रेम सुवालले इम्बोस्ड नम्बर कमिसनको पोको बाहेक केहि नभएको तर्क गरेका छन् ।

सोमबार प्रतिनिधिसभामा जारी बजेटको मन्त्रालयगत विनियोजन बजेटमाथिको छलफलमा बोल्दै सांसद सुवालले यस्तो बताएका हुन् ।

नेपाल मजदुर किसान पार्टी (नेमकिपा) का नेता सुवालले भने–‘अहिले नेपाललाई इम्बोस्ड नम्बरको खाँचो नै छैन । सामान्य, साधारण नम्बर प्लेट भए हुन्छ ।’

इम्बोस्ड नम्बरको खाँचो नभएको बताउँदै सांसद सुवालले मन्त्री र कर्मचारीहरुले नै कमिसनको लोभमा जबरजस्ती अनिवार्य गर्न लागिएको दावी गरे ।