एजेन्सी । भारतको पश्चिम बंगालका कांग्रेस सांसद अधीर रञ्जन चौधरीले राष्ट्रपति द्रौपदी मुर्मूलाई ‘राष्ट्रपत्नी’ भनेको भन्दै भारतको संसदमा विरोध भएको छ ।

यद्पि उनले आफूले भूलवश यस्तो बताएको भनेर माफी मागिसकेका छन् । तर विवाद थामिएको छैन ।

‘म जान्दछु भारतको राष्ट्रपति चाहे जो सुकै होस् हाम्रा लागि राष्ट्रपति नै हुन्छन् । मेरो मुखबाट यो शब्द (राष्ट्रपत्नी) एकपटक उच्चारण भयो । तर, सत्ताधारीहरूले यसलाई तिलको पहाड बनाउन खोजिरहेका छन् ।’

राष्ट्रपति भवन गइरहेको छु भन्ने क्रममा आफूबाट गल्तीले राष्ट्रपत्नी उच्चारण हुन पुगेको उनले बताएका छन् । यस विषयमा भारतको केन्द्रीय मन्त्री स्मृति इरानीले पनि लोकसभामा विरोध जनाएकी छन् ।

भाजपा ठूलठूला नेताहरुले समाजिक संजालमा समेत यस विषयमा कंग्रेसको आलोचना गरिरहेका छन् ।