जनकपुरधाम । प्रहरी समायोजनका लागि संघीय सरकारले गम्भिरता नदेखाए चरणबद्ध आन्दोलन गर्ने मधेस प्रदेशका गृह तथा सञ्चार मन्त्री भरतप्रसाद साहले चेतावनी दिएका छन् ।

बुधबार पत्रकार सम्मेलन आयोजन गर्दै मन्त्री साहले प्रहरी समायोजनको विषयमा संघ सरकारले बेवास्ता गर्दै आइरहेकाले मधेश प्रदेश सरकारले चरणबद्ध आन्दोलन गर्ने चेतावनी दिएका हुन् ।

प्रधानमन्त्री शेरबहादुर देउवासहित विभिन्न राजनीतिक दलका शिर्ष नेताहरुलाई ज्ञापन पत्र बुझाइए पनि संघीय सरकारले गम्भिरता नदेखाएको उनले आरोप लगाए ।

प्रदेशका सबै राजनितिक दलहरूको बैठकबाट नै यस्तो निर्णय गरिएको भन्दै मन्त्री साहले आफुहरुको आन्दोलनमा प्रदेशका हरेक राजनितिक दलको समर्थन र सहयोग समेत रहेको बताए ।