तीन लाख रुपैयाँ बराबर अवैध सामानसहित तीन भारतीय नागरिक पक्राउ

सप्तरी । प्रहरीले तीन लाख ७६ हजार रुपैयाँ बराबरको अवैध सामानसहित तीन भारतीय नागरिकलाई पक्राउ गरेको छ ।

पक्राउ पर्नेमा भारतको शिवहर जिल्लाथाना श्यामपुर भटहा-२ बस्ने ४२ वर्षीय दिनानाथ साह, २४ वर्षीय रन्जय साह र २१ वर्षीय सुजितकुमार साह रहेका छन् ।

उनिहरुलाई भन्सार छली अवैध रूपमा किराना सामान, बिजुलीका सामान, लत्ताकपडा मोटरसाइकलमा लोड गरी ल्याइरहेको अवस्थामा प्रहरी टोलीले फेला पारेको थियो।

पक्राउ परेका भारतीय नागरिकसहित अवैध सामान आवश्यक कारबाहीका लागि राजबिराज भन्सार कार्यालय तिलाठी पठाइएको जिल्ला प्रहरी कार्यालय सप्तरीले जनाएको छ ।

प्रतिक्रिया दिनुहोस्

नयाँ अपडेट