एजेन्सी । दक्षिण कोरियामा हिनामनोर आँधीका कारण सात जनाको मृत्यु भएको छ ।

एउटा भवनको बेसमेन्टमा रहेको कार पार्कमा फसेर उनीहरूको मृत्यु भएको हो । उनीहरु आफ्नो कार सार्न तल गएका बेला आँधीमा फसेका थिए ।

उद्धार टोलीले दुई जनाको उद्धार गरेका थिए । उनीहरू पाइपमा १२ घण्टाभन्दा बढी टाँसिएर ज्यान जोगाएका थिए ।

यस वर्षको अहिलेसम्मकै सबैभन्दा शक्तिशाली चक्रवाती आँधी हिनामनोर यस हप्ताको सुरुमा दक्षिण कोरियामा पुगेको थियो । बाढीका कारण बेसमेन्ट पूर्णरूपमा डुबेको थियो ।