महोत्तरी । महोत्तरीको पिपरा गाउँपालिका–६ मा स्यालले टोकेर चारजना गम्भीर घाइते भएका छन् ।

घाइते हुनेमा पिपरा गाउँपालिका रतौलीका १६ वर्षीय बबन चौधरी, ६५ वर्षीय सोनावती सदा, १३ वर्षीय रेणुकुमारी सदा र ३५ वर्षीय पुनमदेवी सोनार छन् ।

एउटै स्यालले एकैपटक टोकेर चार जनालाई घाइते बनाएको हो ।

सामान्यतः राति मात्रै गाउँ आसपास आउने स्याल दिउँसै गाउँमा पसेर मान्छेलाई टोक्न थाले पनि स्थानीयवासी त्रसित भएका छन् ।

घाइते चार जनाकै जनकपुर प्रादेशिक अस्पतालमा उपचार भइरहेको छ ।