नवलपरासी पश्चिम । जंगली मृग (हरिण) को चोरी सिकारी गर्ने एकजना पक्राउ परेका छन् ।

मंगलबार बिहान सुस्ता गाउँपालिका–४ गोकुलनगर बस्ने ४३ वर्षीय मैनुदिन मुसलवानलाई मृग (हरिण) मारेर ल्याउँदै गरेको अवस्थामा प्रहरीले पक्राउ गरेको हो ।

अवैध रूपमा पोथी जातको मृग मारेर ल्याउँदै गरेको अवस्थामा प्रहरी चौकी नर्सहीबाट खटिएको गस्तीले सुस्ता गाउँपालिका–४ तेह्र नम्बर ठोक्करमा मृत मृगसहित उनलाई पक्राउ गरेको प्रहरीले जनाएको छ ।

हाल फरार रहेका अन्य दुई जनाको खोजीकार्य भइरहेको छ । भने घटनाबारे थप अनुसन्धान गरिरहेको प्रहरीले जनाएको छ ।