काठमाडौं । पूर्व विजेता पाकिस्तान अस्ट्रेलियामा जारी आईसीसी टी-२० विश्वकपको सेमिफाइनल पुग्न सफल भएको छ।

सुपर-१२ को आफ्नो अन्तिम खेलमा बङ्गलादेशलाई ५ विकेटले पराजित गर्दै पाकिस्तान अन्तिम चारमा पुगेको हो।

बंगलादेशले दिएको १२८ रनको लक्ष्य पछाएको पाकिस्तानले १८.१ ओभरमा ५ विकेट गुमाउदै लक्ष्य पुरा गरेको थियो ।

यसअघि टस जितेर पहिला ब्याटिंग गर्दै बंगलादेशले २० ओभरमा ८ विकेट गुमाउदै १२७ रन बनाएको थियो ।

पाकिस्तान यो जितसहित समुह २ बाट विश्वकपको सेमिफाइनलमा पुगेको छ ।

पाकिस्तानको ५ खेलमा ६ अंक भएको छ र समुहमा शिर्ष स्थानमा उक्लिएको छ । त्यस्तै बंगलादेश भने विश्वकपबाट बाहिरिएको छ ।

अब समुह २ मा आज हुने भारत र जिम्बाबेको खेलपछि समुह विजेता र उपविजेताको टुंगो लाग्ने छ ।