बारा । बाराको आदर्शकोतवाल गाउँपालिका–६ हरनैया चोकबाट नक्कली नेपाली नोटसहित तीनजना पक्राउ परेका छन् ।

प्रहरीले नेपाली एक हजार रुपैयाँ दरको ३ सय ४० थान नक्कली नोटसहित उनीहरूलाई पक्राउ गरेको हो ।

पक्राउ पर्नेमा आदर्शकोतवाल गाउँपालिका–६ पटेर्वा बस्ने २१ वर्षीय रामसिनाही कुर्मीसमेत तीन जनालाई नक्कली नोट र २ वटा भारतीय नम्बरको मोटरसाइकलसहित शुक्रवार दिउँसो पक्राउ गरिएको प्रहरीले जनाएको छ ।

विशेष सूचनाको आधारमा जिल्ला प्रहरी परिसर ललितपुर र इलाका प्रहरी कार्यालय महेन्द्रआदर्शबाट खटिएको प्रहरीले उनीहरूलाई पक्राउ गरेको थियो । उनीहरुमाथि थप अनुसन्धान भइरहेको प्रहरीले जनाएको छ ।