मकवानपुर । मकवानपुर प्रहरीले नक्कली नोटसहित तीन जनालाई पक्राउ गरेको छ ।

पक्राउ पर्नेमा रौतहट कटहरीया नगरपालिका-६ का १९ वर्षीय धर्मेन्द्र महरा, सोही नगरपालिका-१ का २१ वर्षीय दिपेश दास र राक्सिराङ गाउँपालिका-२ बस्ने ४० वर्षीय बिजय तामाङ छन्।

दिपेश र धर्मेन्द्रलाई प्रहरी चौकी रातोमाटेबाट खटिएको टोलीले हेटौंडा उपमहानगरपालिका-१५ चुरीयामाई मन्दिर नजिकबाट पक्राउ गरेको हो।

अनुसन्धानको क्रममा संलग्नता देखिएकाले बिजयलाई पनि पक्राउ गरिएको जिल्ला प्रहरी कार्यालय मकवानपुरले जनाएको छ।

उनीहरुको साथबाट प्रहरीले ९५ हजार रूपैयाँ नक्कली नोट बरामद गरेको छ । यस घटनामा प्रहरीले थप अनुसन्धान गरिरहेको छ।