विराटनगर । धरान उपमहानगरपालिकाका उपमेयर अइन्द्रविक्रम बेघाको घरमा आक्रमण र तोडफोड गर्ने एक जनालाई प्रहरीले पक्राउ गरेको छ ।

सुनसरी प्रहरीका अनुसार घटनामा संलग्न एक जनालाई पक्राउ गरिएको हो । घटनाको विषयमा अनुसन्धान भइरहेको छ ।

आज बेलुका धरान–१५ स्थित बेघाको घरमा भएको तोडफोड भएको थियो ।

जसका कारण घरको झ्यालको सिसा फुटेको छ । आक्रमण र झडपमा परी घाइते भएका उपप्रमुख बेघाका कान्छा भाइ विष्णु बेघाको बिपी कोइराला स्वास्थ्य विज्ञान प्रतिष्ठानमा उपचार भइरहेको छ ।