काठमाडौं । संविधानसभाका अध्यक्ष सुवास नेम्वाङको अन्त्येष्टि बिहीबार पशुपति आर्यघाटमा गरिने भएको छ ।

एमाले केन्द्रीय प्रचार तथा प्रकाशन विभागका अनुसार नेम्वाङको अन्त्येष्टि बिहीबार बिहान ११ बजे गरिने भएको हो ।

उनको राजकीय सम्मानका साथ अन्त्येष्टि गरिने तय भएको छ । उनको निधनको शोकमा सरकारले बिहीबार सार्वजनिक बिदासमेत दिएको छ । बिहीबार सरकारी कार्यालयमा नेपालको राष्ट्रिय झन्डा आधा झुकाइने छ ।

श्रद्धाञ्जली अर्पणका लागि नेम्वाङको पार्थिव शरीर बुधबार दिउँसो १ बजेसम्म च्यासलस्थित पार्टी केन्द्रीय कार्यालयमा राखिने नेकपा एमालेले जनाएको छ । नेम्वाङको आज बिहान ७१ वर्षको उमेरमा निधन भएको थियो ।