अनलाइन नेपाल
काठमाडौं । नेकपा एकीकृत समाजवादीका सम्मानित नेता झलनाथ खनालले समाजमा अराजक गतिविधि बढेको बताएका छन् ।
समाजवादीनिकट सहकारी संगठनको प्रथम स्थापना दिवसलाई सम्बोधन गर्दै नेता खनालले यस्तो बताएका हुन् ।
नेता खनालले सरकारले काम गर्न नसकेपछि समाजमा अराजकता बढेको टिप्पणी गरे।
नेता खनाल भने, ‘अहिले अराजकता बढ्दै छ । अहिले मान्छेले भोट हाल्नुपर्दा राप्रपालाई पो हाल्न थालेका छन् हिजो तीस वर्ष तानाशाही शासन गरेको होइन उनीहरुले, तीस वर्ष तानाशाह शासन गर्नेलाई अहिले मान्छेहरुले माया गर्न थालेका छन् । अनि त्यो रास्वपा भन्ने के हो के हो ? कसैले चिनेको पनि छैन । तर, मान्छेहरुले त्यतैतिर भोट हाल्न थालेका छन् । किनभने पहिलेदेखि स्थापित पार्टीहरुले काम गर्न नसकेपछि ध्यान त्यतातिर डाइभर्ट भइरहेको छ । यो एकदम खतरनाक कुरा हो ।’
सरकार कुहिरोको कागजस्तो दिशाहिन अवस्थामा रहेको नेता खनालको भनाई छ । उनले अहिलेको अराजकताको अन्त्य गर्नको लागि आफ्नो पार्टीले विकल्प दिनसक्नुपर्ने बताए ।
राप्रपाले काठमाडौंमा त्यत्रो जुलुस निकाल्दा कांग्रेस र एमालेले आँट गर्न नसकेको उनको दाबी छ। जनसरोकारका सवाललाई सम्बोधन गर्न सरकार चुकेको भन्दै नेता खनालले वर्तमान सरकार मुलुकलाई निकास दिन असफल भएको दाबी गरे ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
