Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
सोमवार, जेठ २५ गते २०८३
Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
काठमाडौं । प्रहरीको केन्द्रीय अनुसन्धान ब्यूरो (सीआईबी)ले विद्युतीय चुरोट भेपमा लुकाएर गरिएको सुन तस्करी प्रकरणको अनुसन्धान सकाएर सरकारी वकिलको कार्यालय काठमाडौंमा प्रतिवेदन बुझाएको छ।
सीआईबीले भन्सारसम्बन्धी कसुर र संगठित अपराधमा राय प्रतिवेदन बुझाएको हो । प्रतिवेदनमार्फत सीआईबीले चिनियाँ नागरिक दावा जिनसहितका व्यक्तिहरूलाई अभियुक्त बनाएको छ ।
सीआईबीले भेपमा लुकाएर गरेको सुन तस्करीमा पूर्वसभामुख कृष्णबहादुर महराविरुद्ध मुद्दा चलाउनु नपर्ने निष्कर्ष निकालेको छ । उनका छोरा राहुल सहित तीन जना विरुद्ध भने मुद्दा चलाउन सिफारिस गरेको छ ।
त्रिभुवन विमानस्थल भन्सार कार्यालयमा रोकिएको भेप छुटाउन महरा बाबुछोराले दबाब दिएको आरोप लागेको थियो । सीआईबीले बुझाएको प्रतिवेदनमा राहुल महरा, दावाजिन वाङका चालक लोकेन्द्र पौडेल र दावा छिरिङलाई मुद्दा चलाउन सिफारिस गरिएको छ ।
सीआईबीले भदौ १३ गते पूर्वसभामुख कृष्णबहादुर महराका छोरा राहुल महरालाई पक्राउ गरेको थियो ।
त्रिभुवन अन्तर्राष्ट्रिय विमानस्थल भन्सार कार्यालयले नियमित जाँचका क्रममा २९ माघ २०७९ मा दुई वटा सुटकेसभित्र ७३ बट्टामा रहेको ७३० थान भेप बरामद गरेको थियो ।
© 2026 All right reserved to onlinenepal.com
Design & Developed By
