काठमाडौं । झापाको भद्रपुरमा बुद्ध एयरको जहाजले ओभरसुट गरेको छ । धावनमार्गमा स्याल देखिएपछि जहाजले ओभरसुट गरेको हो ।

चन्द्रगढी विमानस्थलका अनुसार करीव ७ बजे काठमाडौंबाट चन्द्रगढी पुगेको जहाज अवतरणका लागि तयार रहेको समयमा धावनमार्गमा स्याल देखिएको थियो ।

धावनमार्गमा स्याल देखिएसँगै टावरले जहाजलाई अवतरण नगर्न ‘मिस अप्रोच’का लागि अनुरोध गरेको थियो ।

सोही अनुसार जहाजले ओभरसुट गरेको चन्द्रगढी विमानस्थलले जनाएको छ । जहाजलाई ओभरसुट गराएसँगै विमानस्थलमा स्याल धपाइएको थियो ।