काठमाडौं । राष्ट्रिय ख्रिष्टियन महासंघका अध्यक्ष चरीबहादुर गहतराज पक्राउ परेका छन्।

लिखत सम्बन्धी कसुरमा जिल्ला प्रहरी परिसर काठमाडौंले सिंहदरबार क्षेत्रबाट पक्राउ गरेको हो ।

उनीमाथि स्नातक तहको ट्रान्सक्रिप्ट, माइग्रेसन लगायतको कागजात किर्ते गरेको उजुरी परेको थियो ।

गहतराजले महान् अभियान नामक पत्रिका दर्ता गर्ने क्रममा आफू स्नातक उत्तीर्ण भनी स्नातक तहको कागजात किर्ते गरेको आरोप छ ।

गहतराजले पशुपति क्याम्पसबाट प्रथम श्रेणीमा ब्याचलर पास भएको भनी कागजात बनाएका थिए ।

उक्त कागजातको छानबिन गर्दा नक्कली भएको पुष्टि भएको थियो ।