काठमाडौं । संघीय संसदको महासचिव नियुक्त पद्मप्रसाद पाण्डेयले आज पद तथा गोपनीयताको शपथ लिँदैछन् ।

बिहान सवा १० बजे सभामुख देवराज घिमिरेले संघीय संसदको लोत्से हलमा शपथ ग्रहण गराउन लागेका हुन् । ​

मंगलबार राष्ट्रपति रामचन्द्र पौडेलले संघीय संसद्‌को महासचिवमा पाण्डेयलाई नियुक्त गरेका थिए ।​ ​

मंसिर २५ गते पाण्डेयलाई महासचिवका लागि राष्ट्रपतिसमक्ष प्रतिनिधिसभाका सभामुख र राष्ट्रियसभा अध्यक्षले संयुक्त सिफारिस गरेका थिए ।