काठमाडौं । काठमाडौंमा जारी साफ यू–१६ महिला च्याम्पियनसिपमा नेपाल बंगलादेशसँग पराजित भएको छ ।

ललितपुरको सातदोबाटोस्थित एन्फा कम्प्लेक्समा शनिबार भएको खेलमा नेपाल बंगलादेशसँग २–० ले पराजित भएको हो ।

बंगलादेशको जितमा दुवै गोल सौरभी प्रितीले गरिन् । खेलको २५औँ मिनेटमा उनले बंगलादेशलाई सुरुआती अग्रता दिलाएकी थिइन् । पेनाल्टीमार्फत ३१औँ मिनेटमा उनले बंगलादेशका निम्ति दोस्रो गोल गरिन् ।

नेपालले दोस्रो खेल यही फागुन २१ गते भुटानसँग खेल्नेछ ।