कञ्चनपुर । कञ्चनपुरको भीमदत्त नगरपालिकामा गहुँ चुट्ने क्रममा थ्रेसर मशिनमा च्यापिएर एक महिलाको मृत्यु भएको छ ।

जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक उमेश जोशीले गहुँ चुट्ने क्रममा थ्रेसरमा च्यापिएर आइतवार भीमदत्त–९ का ४२ वर्षीया कौशादेवी जोशीको मृत्यु भएको जानकारी दिए ।

घटनापछि प्रहरीले ट्याक्टर र चालक पारस कार्कीलाई नियन्त्रणमा लिएको प्रहरीले जनाएको छ ।

‘महिलाको शव परीक्षणका लागि महेन्द्रनगरस्थित महाकाली प्रादेशिक अस्पतालमा पुर्‍याइएको छ’, प्रवक्ता जोशीले भने ।

घटनाबारे थप अनुसन्धान भइरहेको प्रहरीले जनाएको छ ।