काठमाडौं । जिल्ला प्रहरी कार्यालय, इलामका प्रहरी प्रमुख एसपी वासुदेव खतिवडालाई ‘महिलाकाण्ड’मा कारबाही गरी हटाइएको खुलेको छ ।

इलामकै बस्ने एक महिलासँग अनैतिक सम्बन्ध पुष्टि भएपछि उनलाई हटाइएको प्रहरी प्रधान कार्यालय स्रोत बताउँछ ।

स्रोतका अनुसार ती महिलाका श्रीमानले प्रमाणसहित एसपी खतिवडाविरुद्ध एक साताअघि नै उजुरी गरेका थिए ।

प्रारम्भिक छानविनमा सो कुरा पुष्टि भएपछि उनलाई हटाइएको हो । इलाममा एसपी प्रभु ढकाललाई खटाइएको हो ।

एसपी खतिवडा अत्याधिक मदिरा पिउने र डिउटीमा ध्यान नदिने अधिकृतका रुपमा बदनाम छन् । उनी गत भदौमा इलाम पुगेका थिए ।

आर्थिक अनुशासनमा पनि कमजोर रहेका खतिवडामाथि प्रहरी प्रधान कार्यालयले थप कारबाहीको तयारी गरेको छ ।