काठमाडौं । आज २०८१ साल वैशाख २५ गते मंगलबारको राशिफल ।

मेष : कुनै काममा अगाडि बढ्न अवरोध देखिने छन्। निर्णय क्षमताको आवश्यकता देखिन्छ। मनमा धेरै खटपटी हुनसक्छ। वैदेशिक क्षेत्रको लगानीमा उत्साह बढ्नेछ। परिवारको सहयोग प्राप्त हुनेछ।

वृष : खर्च बढ्नेछ। शिक्षामा गरेको लगानीबाट फाइदा हुनेछ। परिवारसँगको प्रेम सुमधुर रहनेछ। सामाजिक क्षेत्रमा सम्मान प्राप्त हुनेछ। व्यवहार गर्दा सचेत भएर अगाडि बढ्नु राम्रो हुन्छ।

मिथुन : मनमा उत्साह बढ्नेछ। साना योजनालाई रोकेर ठुलाठुला कामको सुरुवात गर्नु राम्रो हुनेछ। शिक्षा, स्वास्थ्य र वैदेशिक क्षेत्र अब्बल रहेका छन्। प्रेम सम्बन्ध सुमधुर रहनेछ। समयको सदुपयोग गर्दा राम्रो हुनेछ।

कर्कट : पश्चिमको लामो यात्रा नगर्नु राम्रो हुनेछ। शिक्षामा सफलता प्राप्त हुनेछ। परिवारमा विवादको जोखिम देखिन्छ। लगानी गरेको क्षेत्रको उचित मूल्यांकन हुनेछ।

सिंह : तपाईंले गरेको निर्णय दीर्घकालीन हुनसक्छ। सोचेर निर्णय गर्नुपर्ने दिन हो। तपाईंलाई मान्यजनले दिएको सुझाव स्वीकार गर्नु राम्रो हुन्छ। परिवारको साथमा अगाडि बढे फाइदा हुनेछ। वैदेशिक क्षेत्रमा फाइदा हुनेछ। लगानीका लागि हिम्मत गर्नु राम्रो हुनेछ।

कन्या : लामो समय रोकिएको कामको सुरुवात हुनेछ। वैदेशिक क्षेत्रमा लुट हुने भएकाले लगानी गर्ने भए शिक्षामा अगाडि बढ्नु राम्रो हुन्छ। विदेशको लगानीबाट मनमा उत्साह बढ्नेछ। व्यवहार गर्दा मर्यादा नभुल्नु राम्रो हुनेछ।

तुला : आफन्तको चिन्ता गरेर आफूलाई भुल्ने जोखिम देखिन्छ। खानपान र नियमित औषधी छुटेर रोग बढ्नेछ। लगानीका अवसर धेरै भएकाले सोचेर अगाडि बढ्नु राम्रो हुनेछ। प्रेम सम्बन्ध सुमधुर बन्नेछ।

वृश्चिक : दिन राम्रो छ। लगानी र श्रमको उचित मूल्यांकन हुनेछ। काम सम्पन्न नभएसम्म मनको कुरा कसैलाई नभन्नु राम्रो हुन्छ। आज लगानी नगर्नु राम्रो हुनेछ। परिवारको साथ मिल्नेछ।

धनु : मान र मर्यादाले तपाईंलाई उचाईमा पुर्याउने छ। प्रतिस्पर्धामा सफलता प्राप्त हुनेछ। लगानीका अवसर थुप्रै भएकाले यसलाई सदुपयोग गर्नु राम्रो हुन्छ। परिवारको साथ र सहयोग प्राप्त हुनेछ।

मकर : मन चिन्तित र अशान्त बन्नेछ। ठुलो योजनामा हात नहाल्नु राम्रो हुनेछ। सेतालाई कालो भन्नेसँग तर्क नगर्नु राम्रो हुन्छ। धार्मिक कार्यमा संलग्न भएमा दिन सहज बन्नेछ।

कुम्भ : कडा प्रतिस्पर्धा गरेर सफल बन्नु हुनेछ। कृषि र पशुपालन क्षेत्रमा गरेको लगानीबाट फाइदा हुनेछ। वैदेशिक लगानीले उत्साह बढ्नेछ। शिक्षा क्षेत्रमा भने राम्रो नतिजा प्राप्त नहुने जोखिम देखिन्छ।

मीन : दाजुभाइ वा दिदीबहिनीको सहयोग लिएर अगाडि बढ्ने समय छ। बोली नियन्त्रण गर्न नसक्दा आफन्त दुःखी हुने जोखिम देखिन्छ। शिक्षा क्षेत्रमा सफलता मिल्नेछ। सामाजिक क्षेत्रमा सेवाको अवसर प्राप्त हुनेछ।