काठमाडौं । नेपाली कांग्रेस संसदीय दलको बिहीबारका लागि तय भएको बैठक स्थगित भएको छ।

पूर्वमन्त्री एवं संविधानसभा सदस्य सूर्यमान गुरुङको निधनका कारण बैठक स्थगित गरिएको हो ।

गुरुङको बैशाख २५ गते निधन भएको थियो भने आज अन्त्येष्टि गरिँदैछ ।

शुक्रबारदेखि सुरु हुने संसद बैठकमा पार्टीको रणनीति तय गर्न कांग्रेसले बिहीबार दिउँसो २ बजे नयाँ बानेश्वरस्थित संघीय संसद भवन ल्होत्से हालमा बैठक बोलाएको थियो ।

कांग्रेस संसदीय दलको कार्यालयका अनुसार अब संसदीय दल कार्यसमितिको बैठक शुक्रबार विहान ८ बजे र संसदीय दलको बैठक ८ः३० बजे तय गरिएको छ ।