काठमाडौं । युवा तथा खेलकुदमन्त्री विराजभक्त श्रेष्ठले खेलकुदका क्षेत्रमा पूर्वाधार विकास र खेलाडीहरुलाई प्रोत्साहनका लागि पर्याप्त बजेट नभएको बताएका छन् ।

सिंहदरबारमा बसेको प्रतिनिधिसभाअन्तर्गतको शिक्षा, स्वास्थ्य तथा सूचना प्रविधि समितिको बैठकमा बोल्दै खेलकुदमन्त्री श्रेष्ठले यस्तो बताएका हुन्।

खेलकुदमन्त्री श्रेष्ठले खेलकुद मन्त्रालयको बजेटले लुडो, बुद्धिचाल र बाघचालमात्रै खेलाउनसक्ने अवस्था रहेको बताए।

उनले खेलकुद मन्त्रालयको बजेट अत्यन्त न्यून रहेको भन्दै उक्त बजेटले लुडो, बुद्धिचाल र बाघचाल मात्रै खेलाउनसक्ने अवस्था रहेको प्रष्ट पारे।

कम बजेट भएको मन्त्रालयमा खेलकुद पूर्वाधारको माग भने देशको बजेटभन्दा ठूलो रहेको खेलकुदमन्त्री श्रेष्ठको भनाइ छ।

खेलकुदमन्त्री श्रेष्ठले बजेट र उपयुक्त नीतिको अभावका काण खेलकुद पूर्वाधारको विकास हुन नसकेको बताए।

उनले खेलकुद ऐन संशोधनको तयारी भइरहेको भन्दै यसका लागि आवश्यक सुझाव संकलन गर्ने कामसमेत जारी रहेको बताए।