कास्की । ‘म मुख्यमन्त्रीको पिए हुँ’ भन्दै ठगी गर्ने एकजना पक्राउ परेका छन् ।
जिल्ला प्रहरी कार्यालय कास्कीका अनुसार पोखरा महानगरपालिका–३१ का ३८ वर्षीय सुवास सुवेदी पक्राउ परेका हुन् ।
प्रहरीका अनुसार उनले गत वैशाख २० गते लेकसाइडमा रहेको एके टुर्स एन्ड ट्राभल्समा फोन गरेका थिए । फोनमा उनले आफूलाई मुख्यमन्त्रीको पीए रहेको परिचय दिएका थिए ।
तुरुन्तै पोखरा–काठमाडौं र काठमाडौं–नेपालगञ्जको टिकट बुक गरिदिनुस्। पैसा क्यूआर कोडमार्फत् पठाइदिन्छु’ भन्दै उनले ठगी गरेको आरोप छ ।
काठमाडौंबाट पक्राउ परेका सुवेदीलाई २ वटा ठगीसम्बन्धी मुद्दामा प्रहरीले अनुसन्धान थालेको छ ।
Leave a Reply