Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
बुधवार, श्रावण ६ गते २०८३
Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
काठमाडौं। सशस्त्र प्रहरी बलको कल्याणकारी कोषको ३१ करोड रुपैयाँ भन्दा धेरै रकम खेर जाने जोखिम देखिएको छ ।
सशस्त्र प्रहरीले कल्याणकारी कोषबाट माली शान्ति मिसनका लागि भनेर बन्दोबस्तीका समान खरिद गरेकोमा अन्तिममा मिसन रद्द भएपछि खरिद गरिएका सामान बिग्रन थालेका छन् ।
महालेखा परीक्षकको ६१ औं प्रतिवेदनमा यो विषय उठाइएको छ । सशस्त्रले ३१ करोड १३ लाख रुपैयाँमा गाडीसहित २३ प्रकारका सामान खरिद गरेको थियो ।
एक सय ४० जनाको टोली मिसनमा खटिन तयारी अवस्थामा रहँदा राष्ट्रसंघले माली मिसन बन्द गरेपछि सशस्त्र प्रहरीलाई धक्का लागेको हो ।
यसरी खरिद गरिएका सामान हाल सशस्त्र प्रहरी मुख्यालयमै राखिएको छ । जसमध्ये कतिपय बिग्रन थालेका छन् ।
महालेखाको प्रतिवेदनमा भनिएको छ,‘यसबाट उक्त मिसनको तयारीमा खर्च भएको पुरै रकम जोखिममा रहेको छ । अत उक्त मिसनका लागि भएको खर्चको शोधभर्नाको लागि आवश्यक पहल गरी खरिद गरिएका सामाग्रीको उचित व्यवस्थापन गर्नुपर्छ ।’
सशस्त्र प्रहरीले अर्को मिसनमा आफ्नो एफपीयु पठाउन पहल गर्दै आएको छ ।
© 2026 All right reserved to onlinenepal.com
Design & Developed By
