घुससहित नापी कार्यालय कपिलवस्तुका सर्वेक्षक पक्राउ

काठमाडौं । अख्तियार दुरुपयोग अनुसन्धान आयोगले नापी कार्यालय चन्द्रौटा कपिलवस्तुका सर्वेक्षकलाई घुस रकमसहित पक्राउ गरेको छ ।

सर्वेक्षक बेचनप्रसाद गुप्तालाई अख्तियार दुरुपयोग अनुसन्धान आयोग बुटवलबाट खटिएको टोलीले ३५ हजार रुपैयाँ घुससहित पक्राउ गरेको हो ।

जग्गा कित्ताकाट गर्ने प्रयोजनार्थ सेवाग्राहीसँग घुस लिएका थिए ।

अख्तियारले गुप्ताको साथबाट सेवाग्राहीबाट लिएको ३५ हजार र स्रोत नखुलेको ५० हजार रुपैयाँ बरामद गरेको छ ।

उनलाई नियन्त्रणमा लिइ थप अनुसन्धान गरिरहेको अख्तियारले जनाएको छ ।

प्रतिक्रिया दिनुहोस्

नयाँ अपडेट