Jul 03 2026 | २०८३, आषाढ १९ गते
03 Jul 2026 | शुक्रवार, आषाढ १९ गते २०८३
शुक्रवार, आषाढ १९ गते २०८३
Jul 03 2026 | २०८३, आषाढ १९ गते
03 Jul 2026 | शुक्रवार, आषाढ १९ गते २०८३
आइतवार , भाद्र २३, २०८१
विराटनगर । नेकपा माओवादी केन्द्रका अध्यक्ष पुष्पकमल दाहाल 'प्रचण्ड'ले आफु सरकार नभइ पार्टी बनाउनतिर केन्द्रित रहेको बताएका छन् ।
विराटनगर विमानस्थल बोल्दै अध्यक्ष प्रचण्डले एमाले र कांग्रेसले सरकार बनाएपछि माओवादी केन्द्र पार्टी निर्माणमा जुटेको बताएका हुन् ।
अहिले माओवादी केन्द्र सरकार बनाउने खेलमा नलाग्ने अध्यक्ष प्रचण्डको दाबी छ ।
अध्यक्ष प्रचण्डले भने,‘ एमाले र कांग्रेसले पार्टी पुनःनिर्माण गर्ने राम्रो अवसर दिनुभयो । पार्टी बनाउनेतिर लाग्छौं । सरकार बनाउनेतिर ध्यान छैन ।’
आफू नेतृत्वको सरकारले भ्रष्टाचार विरोधी अभियान चलाएकै कारण टिक्न नदिइएको अध्यक्ष प्रचण्डले आरोप लगाए । अध्यक्ष प्रचण्डले आफूले नेपाललाई बंगलादेश बनाउने भनेर कहिल्यै नभनेको दाबी गरे ।
दुईतिहाइ बहुमत छ भनेर सरकारले जेपायो त्यही नगरोस् भनेर नै आफुले प्रधानमन्त्री केपी शर्मा ओलीलाई सचेत गराएको उनले बताए ।
अध्यक्ष प्रचण्डले भने, ‘मैले त अहंकार नगर्नु र जनताकाविरुद्ध नजानु पो भनेको हो । नेपाललाई बंगलादेश बनाउने भनेर भनेकै छैन ।’
अध्यक्ष प्रचण्डले प्रधानमन्त्री ओलीको कार्यशैली असभ्य भएको आरोप लगाए। केही दिनअघि प्रधानमन्त्री ओलीले प्रचण्डको अभिव्यक्ति असभ्य भएको बताएका थिए ।
© 2026 All right reserved to onlinenepal.com
Design & Developed By
