Jul 03 2026 | २०८३, आषाढ १९ गते
03 Jul 2026 | शुक्रवार, आषाढ १९ गते २०८३
शुक्रवार, आषाढ १९ गते २०८३
Jul 03 2026 | २०८३, आषाढ १९ गते
03 Jul 2026 | शुक्रवार, आषाढ १९ गते २०८३
शुक्रवार , आषाढ १९, २०८३
बाजुरा । चर्चित महिला 'सोलो राइडर' शीतल गिरीले ट्राफिक नियम उल्लंघन गरेकी छन् । सुदूरपश्चिम भ्रमणका क्रममा बाजुरा पुगेकी गिरीले ट्राफिक नियम उल्लंघन गरेको भिडियो सार्वजनिक गरेकी हुन् ।
उनले शुक्रबार बिहान आफ्नो फेसबुकमार्फत सार्वजनिक गरेको भिडियोमा एक हातले मोटरसाइकलको ह्यान्डल र अर्को हातले गीतमा अभिनय गरेको देख्न सकिन्छ । उनले लापरबाहीपूर्ण तरिकाले मोटरसाइकल चलाएको भोडियोमा प्रस्ट छ ।
'बोली छ तम्री मिठि मिठि मोहनी लगाउने' डेउडा गितमा उनले बाइकमै चढेर भिडियो बनाएकी हुन् । एक हातले मोटरसाइकल चलाएकी उनले अर्को हातले भने गितको बोल अनुसार अभिनय गरेको देख्न सकिन्छ ।
यता जिल्ला ट्राफिक प्रहरी कार्यालय बाजुराले उनलाई कारबाहीको तयारी थालेको छ । बाजुराका ट्राफिक प्रमुख असई धनीदत्त जोशीले उनको खोजी जारी रहेको बताउँदै कानुनबमोजिम कारबाही गरिने बताए ।
नियमअनुसार पहिलो पटकको गल्ती भए ५०० रुपैयाँ, दोस्रो पटक भए १,००० रुपैयाँ र तेस्रो पटक वा सोभन्दा बढी भए १,५०० रुपैयाँ जरिवाना बेहोर्नुपर्नेछ ।
अस्ति मात्रै सुदूरपश्चिम प्रदेशका मुख्यमन्त्री कमलबहादुर शाहले हेल्मेट नलगाएर मोटरसाइकल चलाएको भिडियो सार्वजनिक भएको थियो ।
सो भिडियो भाइरल भएपछि कैलाली ट्राफिक प्रहरीले हिजो कारबाही गर्दै मुख्यमन्त्री शाहलाई पाँच सय जरिवाना गराइएको थियो ।
यस्तै केही हप्ता अगाडि एक हातले सवारी साधनको ह्यान्डल र अर्को हातले मोबाइल फोन समातेर 'भिडियो लाइभ' गरेका श्रम संस्कृति पार्टीका अध्यक्ष तथा सांसद हर्क साम्पाङलाई पनि कारबाही गरिएको थियो ।
© 2026 All right reserved to onlinenepal.com
Design & Developed By
