काठमाडौं । भक्तपुरको चाँगुनारायण नगरपालिका-४ खोरियामा युवकको शव फेला परेको छ ।
जिल्ला प्रहरी परिसर भक्तपुरका अनुसार १९ वर्षीय निरोज लामाको शव फेला परेको हो ।
चाँगुनारायण–४ स्थित २१ वर्षीय बादल तामाङको घरमा उनको शव फेला परेको प्रहरीले जनाएको छ।
प्रहरीका अनुसार निरोज गएराति बादलको घरमा गएको र उनीहरू छुट्टाछुट्टै कोठामा सुतेका थिए ।
मंगलबार दिउँसो ३ बजेसम्म पनि नउठेपछि बादल उनलाई बोलाउन जाँदा अचेत अवस्थामा भेटिएका थिए । प्रहरीले घटनाको अनुसन्धान थालेको छ ।