काठमाडौं । काठमाडौंको त्रिपुरेश्वर बस बिसौनी नजिक भेटिएको शंकास्पद वस्तुमा सिरानी र कपडा मात्रै भेटिएका छन् ।
नेपाली सेनाको बम डिस्पोजल टोलीले उक्त वस्तु सुरक्षित रूपमा डिस्पोज गरेपछि झोलाभित्र सिरानी र कपडा मात्रै भेटिएको हो ।
स्थानीयले कम्बलले बेरिएको रहस्यमय झोला देखेपछि प्रहरीलाई खबर गरेका थिए। सूचना पाएलगत्तै नेपाल प्रहरी र नेपाली सेनाको टोली घटनास्थल पुगेको थियो ।
प्रारम्भिक अनुसन्धानमा झोलाभित्र सिरानी, कपडा तथा अन्य सामान्य सामग्री मात्र रहेको पाइएको छ ।