Jun 16 2026 | २०८३, आषाढ २ गते
16 Jun 2026 | मंगलवार, आषाढ २ गते २०८३
मंगलवार, आषाढ २ गते २०८३
Jun 16 2026 | २०८३, आषाढ २ गते
16 Jun 2026 | मंगलवार, आषाढ २ गते २०८३
शनिवार , फाल्गुण १७, २०८१
काठमाडौं । जिल्ला प्रहरी परिसर, काठमाडौंका प्रमुख तथा प्रहरी वरिष्ठ उपरीक्षक (एसएसपी) विश्व अधिकारीले व्यावसायिक तवरबाट प्रहरी सेवा प्रवाह गर्न निर्देशन दिएका छन् ।
बिहीबार परिसरको सभाहलमा ‘Operation 9 And Workstreams’ विषयक एक दिने कार्यशाला गोष्ठीमा एसएसपी अधिकारीले यस्तो निर्देशन दिएका हुन् ।
उनले ‘One Team - One Theme’ को अवधारणालाई आत्मसात् गर्दै व्यावसायिक तवरबाट प्रहरी सेवा प्रवाह गर्न निर्देशन दिए ।
उनले प्रहरी सेवाले व्यावसायिक निष्ठालाई अनुसरण गर्दै सरोकारवाला निकायहरूसँगको सहकार्यमा समाजमा प्रभावकारी शान्ति सुरक्षा कायम राख्नुपर्ने उल्लेख गरे ।
कार्यक्रममा एसएसपी अधिकारीले 'Operation 9' को आधारभूत अवधारणा ‘NINE: Nurturing Integrity - Networked Enforcement’ रहेको बताउँदै कानुनी कार्यान्वयनलाई थप प्रभावकारी बनाउन यसलाई आत्मसात् गर्नुपर्नेमा जोड दिए ।
सुरक्षित उपत्यका निर्माणका लागि ल्याइएको यस अवधारणाले नेपाल प्रहरी संगठनको ‘सत्य, सेवा, सुरक्षणम्’ को लक्ष्यलाई मूर्तरूप दिन मद्दत गर्ने उनको भनाइ थियो ।
उक्त गोष्ठीमा परिसर मातहतका प्रहरी कार्यालयका प्रमुखहरुले आफ्नो क्षेत्रभित्रको शान्ति सुरक्षाको अवस्थाबारे जानकारी गराएका थिए ।
© 2026 All right reserved to onlinenepal.com
Design & Developed By
