Jun 15 2026 | २०८३, आषाढ १ गते
15 Jun 2026 | सोमवार, आषाढ १ गते २०८३
सोमवार, आषाढ १ गते २०८३
Jun 15 2026 | २०८३, आषाढ १ गते
15 Jun 2026 | सोमवार, आषाढ १ गते २०८३
सोमवार , आषाढ १, २०८३
काठमाडौं । अवैध रूपमा विदेशी मुद्रा लिएर विदेश जान लागेका एक युवकलाई प्रहरीले त्रिभुवन अन्तर्राष्ट्रिय विमानस्थलबाट पक्राउ गरेको छ ।
पक्राउ पर्नेमा पाल्पाको रामपुर नगरपालिका–१० घर भएका १९ वर्षीय समिर बहादुर मगर रहेका छन् ।
त्रिभुवन अन्तर्राष्ट्रिय विमानस्थलको अन्तर्राष्ट्रिय उडानतर्फको प्रस्थान ह्याण्ड ब्यागेज चेकिङ क्षेत्रमा जाँचका क्रममा उनको साथबाट ३० हजार साउदी रियाल फेला परेको हो ।
उनी हिमालय एयरलाइन्स को उडानमार्फत काठमाडौंबाट दुबई जान लागेका थिए। सुरक्षाकर्मीले शंका लागेपछि गरेको चेकजाँचमा ठूलो मात्रामा विदेशी मुद्रा फेला परेको प्रहरीले जनाएको छ ।
विमानस्थल सुरक्षा कार्यालयबाट खटिएको प्रहरीले उनलाई नियन्त्रणमा लिएर थप अनुसन्धानका लागि सम्बन्धित निकायमा बुझाएको छ। त्यसपछि उनलाई आवश्यक कानुनी कारबाहीका लागि राजस्व अनुसन्धान विभाग पठाइएको छ।
© 2026 All right reserved to onlinenepal.com
Design & Developed By
