काठमाडौं । नेकपा एमालेका नेता गोकुल बास्कोटाले दुर्गा प्रसाईलाई भस्मासुरको संज्ञा दिएका छन् ।
उनले मंगलबार बिहान सामाजिक सञ्जालमार्फत प्रसाईलाई भस्मासुरको संज्ञा दिएका हुन् । भस्मासुरले जस्तै सबैको टाउकोमा हात राख्न खोज्ने प्रसाईं अहिले मन्दिरतिर नाच्दै गरेको उनले बताए।
'भस्मासुरले सबैको टाउकोमा हात राख्न खोज्दै थियो, अहिले मन्दिरतिर नाच्दै छ,' उनले भने, 'भगवान विष्णुसँगै ननाच्दासम्म यसको वितण्डा अझै चल्ने आशामा छन् प्रेतात्माहरू।'
यसअघि गत शुक्रबार तीनकुने क्षेत्रमा भएको हिंसात्मक प्रदर्शनपछि ’संयुक्त जनआन्दोलन समिति’ का ’जनकमान्डर’ दुर्गा प्रसाई फरार अवस्थामा छन् ।