कास्की । नेपाल प्रहरीको जवान पदको लिखित परीक्षामा अर्काको नाममा परीक्षा दिँदै गरेको अवस्थामा कास्कीबाट एक युवती पक्राउ परेकी छिन् ।
पोखरा महानगरपालिका वडा नं. ७ पार्दी स्थित लोक सेवा आयोग, पोखरा कार्यालयको परीक्षा भवनबाट ज्ञानता विश्वकर्मालाई पक्राउ गरिएको हो ।
परीक्षार्थी आरती कुमारी मण्डलको नाममा अर्को व्यक्तिले परीक्षा दिएको देखिएको भन्ने सूचनाको आधारमा वडा प्रहरी कार्यालय बैदाम कास्कीबाट खटि गएको प्रहरी टोलीले पक्राउ गरेको थियो । उनको घर धनकुटाको पाख्रीबास नगरपालिका वडा नं. ५ रहेको खुलेको छ ।
उनीमाथि कास्की जिल्ला अदालतबाट शिक्षा ऐन सम्बन्धी कसूरमा ७ दिनको म्याद थप गरेर प्रहरीले अनुसन्धान थालेको छ ।