काठमाडौं । नेपाली कांग्रेसका सांसद रामहरि खतिवडाले आतंकवाद विरुद्धको लडाइमा नेपालले भारतलाई साथ दिनुपर्ने बताएका छन् ।
बिहीबारको प्रतिनिधि सभाको बैठकमा बोल्दै सांसद खतिवडाले यस्तो बताएका हुन् ।
उनले भारतले अहिले आतंकवादविरुद्ध लडाइ लडिरहेको भन्दै साथ दिनुपर्ने बताए ।
‘यो समयको जटिलतालाई सामना गर्न सरकार तयारी रहोस् भनेर अनुरोध गर्न चाहन्छु । आतंकवादविरुद्धको लडाइँमा हामीले जुनसुकै देशलाई पनि साथ दिनुपर्छ भनेर अनुरोध गर्न चाहन्छु,’ उनले भने ।