काठमाडौं । सरकारले अष्ट्रेलियाका लागि नेपालका आवासीय राजदूत चित्रलेखा यादवलाई न्यूजिल्यान्डका लागि गैरआवासीय राजदूतको जिम्मेवारी दिएको छ ।
मन्त्रिपरिषद्को सिफारिसका आधारमा राष्ट्रपति रामचन्द्र पौडेलले बिहीबार राजदूत यादवलाई न्यूजिल्यान्डका लागि गैरआवासीय राजदूतमा नियुक्त गरेका हुन् ।
उनीसँगै राष्ट्रपति पौडेलले मलेसियाका लागि नेपालका आवासीय राजदूत डा. नेत्रप्रसाद तिम्सिनालाई ब्रुनाई दारुसलामका लागि गैरआवासीय राजदूत पदमा नियुक्त गरेका छन् ।