व्युरोको 'असई हुँ' भन्दै होटल सञ्चालकलाई धम्की दिने थापा पक्राउ

अनलाइन नेपाल

आइतवार , जेठ १२, २०८२

व्युरोको 'असई हुँ' भन्दै होटल सञ्चालकलाई धम्की दिने थापा पक्राउ

कैलाली । नेपाल प्रहरीको व्युरोबाट खटिएको 'असई हुँ' भन्दै ठगी गर्ने एक युवक धनगढीमा पक्राउ परेका छन् ।

पक्राउ पर्नेमा धनगढी उप–महानगरपालिका–०५, शिवनगर बस्ने २६ वर्षीय निराजन थापा रहेका छन् ।

जिल्ला प्रहरी कार्यालय कैलालीका अनुसार धनगढी उप–महानगरपालिका–०४ स्थित बसपार्कमा रहेको धामी होटलमा विगत केही दिनदेखि पटक–पटक गई आफू ब्युरोबाट आएको हुँ भन्दै रकम माग्दै आएका थिए ।

होटल सञ्चालक मोहन सिंह धामीलाई रकम माग गर्ने क्रममा शंका लागेपछि होटल सञ्चालकले प्रहरीलाई खबर गरेका थिए ।

सोही आधारमा अस्थायी प्रहरी पोष्ट बसपार्कबाट खटिएको टोलीले उनलाई पक्राउ गरेको थियो । उनलाई हिरासतमा राखी थप अनुसन्धान अगाडि बढाइएको कैलाली प्रहरीले जनाएको छ ।

प्रतिक्रिया दिनुहोस्

नयाँ अपडेट

थप नयाँ अपडेट

व्युरोको 'असई हुँ' भन्दै होटल सञ्चालकलाई धम्की दिने थापा पक्राउ