Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
शनिवार, जेठ २३ गते २०८३
Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
आइतवार , आषाढ १५, २०८२
काठमाडौं । उद्योगीले सिमेन्ट र डन्डीको मूल्य घटाएका छन् । वाणिज्य, आपूर्ति तथा उपभोक्ता संरक्षण विभागका अनुसार उद्योगीले सिमेन्टको मूल्य प्रतिबोरा ५० रुपैयाँदेखि १ सय रुपैयाँसम्म र डन्डीको मूल्य किलोको ५ रुपैयाँसम्म घटाएका हुन् ।
विभागका महानिर्देशक कुमारप्रसाद दाहालले पछिल्लो समय सिमेन्ट र डन्डीको माग घटेको र उद्योगमा लोडसेडिङ पनि घटेका कारण मूल्य घटेको बताए ।
यसअघि उद्योगमा १२ घण्टासम्म लोडसेडिङ भएको र उत्पादन लागत बढ्न गई सिमेन्टको मूल्य बढाउनुपरेको उद्योगीले बताउँदै आएका थिए । ।
अन्य समयको तुलनामा बर्खाका बेला निर्माण कार्य कम हुन्छ । निर्माण कार्य कम हुने हुँदा सिमेन्ट र डन्डीको माग पनि कम हुन्छ । माग कम भएपछि बर्खाको समयमा निर्माण सामग्रीको भाउ घट्ने गर्छ ।
बर्खा सकिएसँगै निर्माण कार्य सुरु हुने हुँदा त्यस समय यी सामग्रीको मूल्य बढ्दै जान्छ ।
नेपाल निर्माण व्यवसायी महासंघका अध्यक्ष रवि सिंहले पिन सिमेन्टमा १ सय रुपैयाँसम्म र डन्डीमा पनि प्रतिकिलो ५ रुपैयाँसम्म मूल्य घटाइएको बताएका छन् ।
© 2026 All right reserved to onlinenepal.com
Design & Developed By
