धनगढीमा दुई हजार घरमा बाढी पस्यो, आठ जनाको उद्धार

अनलाइन नेपाल

सोमवार , आषाढ १६, २०८२

कैलाली । आइतबारदेखि लगातार वर्षा हुँदा धनगढीका मा परेका छन् । डुबानमा फसेका आठ जनालाई प्रहरीले आज उद्धार गरेको छ ।

धनगढी उपमहानगरपालिका– १३ श्रीलङ्काका चार जना र धनगढीको बेली गाउँका चारजना गरी आठ जनाको उद्धार गरिएको जिल्ला प्रशासन कार्यालय कैलालीले जनाएको छ ।

बेलीका सीताराम रानाको एक तले कच्ची घर डुबानमा परेपछि उनीसहित परिवारका चार जनालाई उद्धार गरेर नजिकै रहेको आफन्तको घरमा सारिएको छ ।

त्यसैगरी, धनगढी– १३ श्रीलङ्काका एकै परिवारका चार जनाको उद्धार गरेर नजिकैको आधारभूत विद्यालयमा राखिएको छ ।

गएराति देखिको भारी वर्षाका कारण धनगढी उपमहानगरपालिका क्षेत्रका झन्डै दुई हजार घरमा पानी पसेको प्रहरीले जनाएको छ ।

जसमा धनगढीका ३, ४, १३, १, ७ र ११ नम्बर वडा वर्षाका कारण प्रभावित भएका छन् ।

प्रतिक्रिया दिनुहोस्

नयाँ अपडेट

थप नयाँ अपडेट

टेम्पो प्रकरणमा छानबिन गर्न सुदूरपश्चिम सरकारद्वारा समिति गठन, सात दिनभित्र प्रतिवेदन बुझाउन निर्देशन