Jun 15 2026 | २०८३, आषाढ १ गते
15 Jun 2026 | सोमवार, आषाढ १ गते २०८३
सोमवार, आषाढ १ गते २०८३
Jun 15 2026 | २०८३, आषाढ १ गते
15 Jun 2026 | सोमवार, आषाढ १ गते २०८३
सोमवार , आषाढ २३, २०८२
काठमाडौं । त्रिभुवन विश्वविद्यालयको उपकुलपति नियुक्तिका लागि सिफारिस समितिले तीन जनाको नाम प्रधानमन्त्री एवं कुलपति केपी शर्मा ओलीलाई सिफारिस गरेको छ ।
समितिले सोमबार नाम सिफारिस गरे पनि सिफारिसमा परेका उम्मेदवारहरूको नाम भने सार्वजनिक गरिएको छैन ।
१२ जना प्रतिस्पर्धीबाट छनोट गरिएका ती तीन जनामध्ये प्राडा खड्ग केसी, प्राडा विनिल अर्याल, प्राडा योगेन्द्रबहादुर गुरुङ, प्राडा उपेन्द्र कोइराला र प्राध्यापक डिल्ली उप्रेतीको नाम सर्वाधिक चर्चामा छ । यद्यपि, अन्तिम सिफारिसमा को को परे भन्नेबारे औपचारिक खुलासा भएको छैन।
प्रधानमन्त्री ओलीले ६ जेठमा सहकुलपति एवं शिक्षामन्त्री रघुजी पन्तको संयोजकत्वमा तीन सदस्यीय उपकुलपति छनोट सिफारिस समिति गठन गरेका थिए ।
१५ चैतमा तत्कालीन उपकुलपति केसरजङ्ग बरालले राजीनामा दिएपछि त्रिविको नेतृत्व रिक्त बनेको थियो। अब सिफारिसमा परेका तीनजनामध्ये एक जनालाई प्रधानमन्त्री ओलीले उपकुलपति पदमा नियुक्त गर्नेछन्।
© 2026 All right reserved to onlinenepal.com
Design & Developed By
